Skáldsagan Eldar kvikna eftir bandaríska rithöfundinn Suzanne Collins var vinsælasta lesning landsmanna í kiljuformi í sumar. Þetta er önnur sagan sem þýdd hefur verið í sagnabálkinum um hina svokölluðu Hungurleika. Fyrsta bókin í flokknum, Hungurleikarnir, voru næstvinsælasta bókin í sumar, samkvæmt samantekt Rannsóknaseturs verslunarinnar fyrir Félag íslenskra bókaútgefenda. Samantekin nær yfir tímabilið 3. júní til 11. ágúst.
Í þriðja sæti kiljulistans var spennusagan Dauðadjúp eftir sænska höfundinn Åsa Larsson.
Á lista yfir 20 mest seldu kiljur sumarsins eru sex íslenskir höfundar. Unnur Birna Karlsdóttir er þar efst í 10. sæti með bókina Það kemur alltaf nýr dagur sem er fyrsta bók höfundar. Í næsta sæti þar á eftir er bókin Little book of the Icelanders eftir Öldu Sigmundsdóttur.
Þá eru á listanum bækur eftir 13 konur og aðeins fjóra karla.
Hér er listinn í heild sinni:
- Eldar kvikna Suzanne Collins Forlagið - JPV útgáfa
- Hungurleikarnir Suzanne Collins Forlagið - JPV útgáfa
- Dauðadjúp Asa Larsson Forlagið - JPV útgáfa
- Sumarhús með sundlaug Herman Koch Forlagið - JPV útgáfa
- Konan sem hann elskaði áður Dorothy Koomson Forlagið - JPV útgáfa
- Hin ótrúlega pílagrímsganga Rachel Joyce Bjartur
- Fórnardauði Lee Child Forlagið - JPV útgáfa
- Það kemur alltaf nýr dagur Unnur Birna Karlsdóttir Bjartur
- Little book of the Icelanders Alda Sigmundsdóttir Forlagið - Vaka-Helgafell
- Prinsessuhöllin Brenda Apsley Forlagið - JPV útgáfa
- Má ekki elska þig Jenny Downham Forlagið - JPV útgáfa
- Englasmiðurinn Camilla Läckberg Uppheimar
- 55 sannar íslenskar Guðríður Haraldsdóttir Birtingur útgáfufélag ehf
- Leikarinn Sólveig Pálsdóttir Forlagið - JPV útgáfa
- Korter Sólveig Jónsdóttir Forlagið - Mál og menning
- Snjókarlinn Jo Nesbø Uppheimar
- Djöflastjarnan Jo Nesbø Uppheimar
- Ég er Zlatan Ibrahimovic David Lagercrantz Draumsýn
- Krossgötur Liza Marklund Uppheimar
- Hetjur og hugarvíl Óttar Guðmundsson Forlagið - JPV útgáfa
