Landsbankinn hefur gert samninga við alþjóðlega banka um greiðslumiðlun í erlendri mynt en frá því í haust hefur erlend greiðslumiðlun að mestu farið fram í gegnum Seðlabanka Íslands.
Þetta kemur fram í tilkynningu frá Landsbankanum.
Þar kemur fram að nú liggur fyrir samstarfssamningur við Citibank um opnun reikninga í öllum helstu viðskiptamyntum bankans, bandaríkjadal, evru, pundi svissneskum franka og japönsku jeni. Einnig hefur Landsbankinn opnað reikning í kanadískum dollurum hjá Royal Bank of Canada í Kanada, sænskum krónum hjá SEB í Svíþjóð, dönskum krónum hjá Jyske Bank í Danmörku og norskum krónum hjá DnB Nor í Noregi.