Frá og með morgundeginum, 8. júlí, mun Landsbankinn hækka fasta vexti á nýjum óverðtryggðum lánum um 0,10 til 0,15 prósentustig.

Sjá einnig: Landsbankinn hækkar vexti

Breytilegir vextir á óverðtryggðum lánum haldast óbreyttir og eru enn 3,45%. Þann 31. maí síðastliðinn hækkaði bankinn vexti á þessum lánum um 0,15% en fastir vextir héldust þá óbreyttir.

„Vaxtabreytinguna nú má fyrst og fremst rekja til breytinga á ávöxtunarkröfu sértryggðra skuldabréfa útgefnum af Landsbankanum,“ segir í tilkynningu frá bankanum.