Landsbankinn hefur ákveðið að lækka verðtryggða útláns- og innlánsvexti sína. Verðtryggðir útlánsvextir bankans lækka um 0,25 prósentustig. Verðtryggðir kjörvextir bankans lækka því úr 4,95% í 4,70%.
Engin breyting verður gerð á óverðtryggðum vaxtakjörum bankans og verða því óverðtryggðir kjörvextir bankans áfram 8,50%.
Ákvörðun um lækkun verðtryggða vaxta nú er til komin vegna þróunar á verðtryggðum vöxtum á fjármálamarkaði að undanförnu.
Landsbankinn býður ennfremur viðskiptavinum, sem uppfylla ákveðin skilyrði, Íbúðalán á 4,2% föstum verðtryggðum vöxtum til allt að 40 ára.
Vaxtalækkunin tekur gildi 21. september n.k.