Nýsi hefur borist tilboð frá Landsbankanum og Kaupþingi í allar eignir félagsins. „Ef tilboðunum verður tekið munu þau hafa veruleg áhrif á efnahagsreikning félagsins,“ segir í tilkynningu frá Nýsi til Kauphallarinnar.
„Félagið mun meta tilboðin og kynna þau síðan fyrir kröfuhöfum þar með talið kröfuhöfum þeirra verðbréfa sem tekin hafa verið til viðskipta í Kauphöllinni.“
Þetta þýðir að félagið mun seinka birtingu á árshlutareikningi á meðan viðræður um tilboðin fara fram.
Endurfjármögnun Nýsis hefur farið fram undanfarna mánuði og hefur Landsbankinn, helsti lánadrottinn, haft umsjón með því. Kaupþing er þó einnig meðal lánadrottna.