Stjórn fjarskiptafélagins Teymis hefur ákveðið að nýta heimild í samþykktum félagsins til að hækka hlutafé félagsins og selja fjárfestum í útboði, segir í fréttatilkynningu.
Félagið áætlar að selja hluti fyrir fjóra milljarða króna að söluverðmæti í útboði til fjárfesta. ´
Í tilkynningu Teymis segir að fjármagnið verði nýtt til þess að styðja frekari vöxt, efla félagið og gera því kleift að nýta fjárfestingartækifæri sem kunna að myndast.
Landsbanki Íslands hefur sölutryggt útboðið að fullu, samkvæmt upplýsingum frá Kauphöll Íslandso og verður gengi verður tilkynnt fyrir klukkan tíu á fimmtudaginn 22. mars 2007.
Útboðið verður tvískipt, annars vegar til hluthafa Teymis og hins vegar til fagfjárfesta, segir. Hluthöfum Teymis verður boðið að kaupa hluti í félaginu að söluverði tveir milljarðar króna. Áskriftaréttur hluthafa verður hlutfallslegur miðað við hlutafjáreign eins og hún var skráð í hlutaskrá Teymis í lok dags. fimmtudaginn 15. mars 2007.
Hluthöfum er heimilt að skrá sig fyrir færri eða fleiri hlutum en þeim er boðið að skrá sig fyrir. Þeim hlutum sem ekki verður ráðstafað í samræmi við framangreint verður útdeilt í hlutfalli við hlutafjáreign til þeirra sem óska eftir fleiri hlutum en þeim er boðið í útboðinu.
Fagfjárfestum verður einnig boðið að kaupa hluti í Teymi að fyrir tvo milljarða króna að söluvirði. Núverandi hluthafar hafa fulla heimild að taka þátt í báðum hlutum útboðsins, svo framarlega sem þeir eru skilgreindir sem fagfjárfestar samkvæmt lögum, segir í tilkynningunni.