„Ég vísa öllum ákæruatriðum á bug og mun leggja mig fram við að sanna sakleysi mitt,“ sagði Geir H. Haarde, fyrrum forsætisráðherra, við þingfestingu ákæru Alþingis á hendur honum fyrir Landsdómi. Ákæran var þingfest rétt í þessu í Þjóðmenningarhúsinu.
Geir er meðal annars ákærður fyrir að hafa á tímabilinu febrúar til október 2008 ekki stuðlað að því að bankarnir minnkuðu efnahagsreikning sinn eða einhverjir þeirra flyttu höfuðstöðvar sínar úr landi.
