*

föstudagur, 18. september 2020
Fólk 8. janúar 2020 13:09

Lára Herborg ráðin fræðilegur ritstjóri

Fons Juris útgáfa ráða lögmanninn Láru Herborgu Ólafsdóttur en hún starfar nú hjá LEX lögmannsstofu.

Ritstjórn
Lára Herborg Ólafsdóttir lauk laganámi frá HR og starfar nú hjá LEX lögmannsstofu.
Aðsend mynd

Lára Herborg Ólafsdóttir lögmaður hefur verið ráðin í stöðu fræðilegs ritstjóra hjá Fons Juris útgáfu ehf. 

Hlutverk fræðilegs ritstjóra er að stýra útgáfuferli Fons Juris útgáfu, taka þátt í vali á ritum til útgáfu, hafa umsjón með ritrýni og ritrýnireglum, hafa milligöngu í samskiptum höfunda og ritrýnenda sem og almennt gæðaeftirlit með þeim fræðaskrifum sem koma út á vegum félagsins.

Lára starfar sem lögmaður á LEX lögmannsstofu. Hún lauk laganámi frá Háskólanum í Reykjavík árið 2013 og framhaldsnámi í hugverka- og tæknirétti frá Berkeley háskóla í Kaliforníu árið 2018, þar sem hún gegndi m.a. stöðu aðstoðarritstjóra Berkeley Technology Law Journal.

Lára hefur haldið marga fyrirlestra hér á landi og erlendis, skrifað greinar á sviði tækni- og hugverkaréttar og sinnir kennslu í tæknirétti við lagadeild Háskólans í Reykjavík.

Á næstunni hyggst Fons Juris tengja saman með nýjum hætti útgefnar bækur og annað efni í gagnasafni sínu. Mun það veita notendum gagnasafnsins mikið forskot í störfum sínum.