Laun starfsmanna Árvakurs, útgáfufélags Morgunblaðsins og mbl.is, verða lækkuð um 5% um næstu mánaðamót.
Jafnframt verður starfshlutfall einhverra starfsmanna minnkað.
Þetta kom fram í máli Einars Sigurðssonar, forstjóra Árvakurs, á fjölmennum starfsmannafundi sem var að ljúka en frá þessu er greint á mbl.is
Þar er haft eftir Einari að með þessu verði hægt að koma í veg fyrir fjöldauppsagnir starfsmanna hjá fyrirtækinu.
Þá kemur fram að enn eru viðræður milli áhugasamra fjárfesta, Árvakurs og Glitnis, viðskiptabanka fyrirtækisins, en Einar segir að á þessu stigi sé ekki hægt að gefa upp hvenær þeim ljúki.