*

þriðjudagur, 30. nóvember 2021
Erlent 26. janúar 2016 16:12

Lax dýrari en olíutunna

4,5 kílóa lax kostar nú jafn mikið og tunna af Brent-hráolíu í Noregi.

Karl Ó. Hallbjörnsson
Bjarnarmarkaður með hráolíu skarast nú á við hækkandi kílóverð á laxi.
epa

Stundum geta markaðsaðstæður orðið stórundarlegar - eins og á sér nú stað í Noregi. Þar hefur verð á 4,5 kílógramma laxi orðið hærra en heil tunna af Brent-hráolíu, mælt í norskum krónum.

Lax hefur risið upp úr öllu verði í Noregi vegna þess að framboð stendur ekki undir eftirspurn, auk þess sem norska krónan er veikari en vanalegt er.

Norska fiskveiðivefsíðan iLaks.no greindi frá þessu fyrst, en Bloomberg hefur svo tekið upp fréttina til umfjöllunar. Ljóst er að hin mikla verðlækkun hráolíu hefur talsvert meiri áhrif á olíuframleiðsluþjóðir eins og Noreg en aðrar þjóðir.

Stikkorð: Olía Noregur Lax Markaður