Erlendum gestum sem fóru um Leifsstöð fjölgaði um rúm 4% í fyrrihluta nóvember, miðað við sama tíma í fyrra.
Þetta kemur fram á vef Ferðamálastofu.
Erlendum gestum sem fóru um Leifsstöð fækkaði hins vegar um 5% í október. Umtalsverð fækkun varð hins vegar á ferðum Íslendinga fyrstu 17 daga nóvembermánaðar, eða tæp 60%.
Þá kemur fram að fjölgunin í nóvember er að mestu leyti frá Mið- og Suður-Evrópu eða tæp 24%. Einnig var fjölgun frá Bretlandi tæp 5% og 12% frá Noregi.
Á móti fækkar Bandaríkjamönnum og Dönum. Fróðlegt verður að sjá tölur fyrir mánuðinn í heild.