Nokkur umræða er nú í Bretlandi um húsnæðismarkaðinn og þróun hans. BBC greinir frá því í dag að samkvæmt skýrslu Joseph Rowntree stofnunarinnar (JRF) muni húsnæðiskostnaður leigjenda hækka gríðarlega á næstu áratugum.
Stofnunin spáir því að árið 2040 verði leigjendur tvisvar sinnum líklegri til að vera undir fátækrarmörkum en húseigendur. Árið 2008 voru 43% leigjenda undir fátækrarmörkum samkvæmt skýrslunni en talið er að árið 2040 verði 53% þeirra undir mörkunum, sem er 23% aukning.
Forsendan fyrir þessari spá er fyrst fyrst og fremst sú að stofnunin telur að á næstu áratugum, eða fram til ársins 2040, muni leiga á húsnæði hækka um 90% að raunvirði eða tvöfalt meira en laun.
Julia Unwin, framkvæmdastjóri JRF, segir að bregðast þurfi strax við með því að byggja ódýrara húsnæði en nú sé gert.