Slökkviliðið á höfuðborgarsvæðinu var kallað að Seðlabanka Íslands um miðnætti.
Bilun varð í gosbrunni í anddyri hússins, sem oft er kallað Svörtuloft, með þeim afleiðingum að mikið magn vatns rann um ganga á fyrstu hæð hússins.
Einnig rann vatn niður í bílastæðakjallara.
Slökkviliðið dældi vatninu með öflugum dælubílum sínum og er talið að ekki hafi orðið mikið tjón vegna vatnslekans.