Minjavernd hf. hefur samþykkt tilboð FÍ fasteignafélags slhf. í fasteignir sínar við Berhöftstorfuna í Reykjavík. Þetta kemur fram í tilkynningu til Kauphallarinnar. Um er að ræða fasteignirnar Lækjargötu 3, Amtmannsstíg 1, og Bankastræti 2.
Tilboðið er samþykkt með fyrirvara um áreiðanleikakönnun FÍ og samþykki stjórna beggja félaganna.
Á vefsíðu FÍ fasteignafélags slhf kemur fram að félagið sé að mestu í eigu lífeyrissjóða og með fjárfestingarstefnu sem hefur að markmiði að fjárfesta í vel staðsettu atvinnuhúsnæði með trausta leigutaka.
