Um síðustu áramót námu eignir lífeyrissjóðanna samtals tæpum 3.277 milljörðum króna en það svarar til um þriðjungs fjármálakerfisins. Á sama tíma námu eignir innlánsstofnana 3.186 milljörðum króna en árið 2015 var fyrsta árið þar sem eignir lífeyrissjóða voru meiri en eignir innlánsstofnana.
Nú hafa flestir lífeyrissjóðir skilað uppgjöri síðasta árs. Stærsti lífeyrissjóðurinn í hreinum eignum talið er Lífeyrissjóð ur verslunarmanna en hreinar eignir hans í árslok 2015 námu alls 583.676 milljónum króna eða um 18% af heildareignum allra lífeyrissjóða. Næst á eftir kemur Lífeyrissjóður starfsmanna ríkisins með 582.947 milljónir króna í hreinni eign en hann vermdi efsta sætið á síðasta ári.
Í þriðja sæti er Gildi lífeyrissjóður með 455.063 milljónir í hreinni eign, þar á eftir kemur Stapi lífeyrissjóður með 179.272 milljónir í hreinni eign og í fimmta sæti er Almenni lífeyrissjóðurinn með 174.151 milljónir í hreinni eign. Saman eiga þessir fimm stærstu lífeyrissjóðir 60% af heildareignum lífeyrissjóða.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
