Töluverðar líkur eru á meiri þoku í sumar en oft áður. Áberandi er hvað sjórinn er töluvert hlýrri en síðustu tólf til fimmtán árin þegar langtímaspá er skoðuð. Ef sjórinn er hlýr þá er von á þokusömu sumri og þá aðallega við strendur en þokan gæti komið upp á land ef vind ur stendur af hafi eða ef veður er rólegt.
Þetta kemur fram í upplýsingum frá Veðurstofu Íslands. Samkvæmt þessari sömu langtímaspá er von á að júní, júlí og ágúst verði jafn hlýir eða hlýrri en að meðaltali og úrkoma sennilega svipuð og síðustu sumur.
Veðrið framundan á að vera svipað og það hefur verið en næstu tíu daga er spáð suðlægum áttum sem þýðir blautt veður á Suður og Vesturlandi en áfram þurrt og hlýtt á Norður og Austurlandi.
