Lindex Kids opnar 230 fermetra verslun í Kringlunni klukkan 12 í dag. Hún verður í suðurhluta Kringlunnar þar sem Oasis var áður. Lindex er með eina verslun í Smáralind. Samkvæmt tilkynningu frá Lindex þá verða skemmtiatriði á staðnum en Skoppa og Skrítla kíkja í heimsókn kl. 14:30 svo eitthvað sé nefnt.
Í barnafataversluninni verða í boði ungbarna- og barnalína frá Lindex í stæðum 44 til 86 og 86 til 122. Þar verður m.a. lína hönnuð af Camillu Lundsten, höfundi Littlephant fyrir yngstu viðskiptavinina. Skandinavískar línur eins og Moomin og FIX munu einnig koma við sögu en þær vörur eru að stórum hluta framleiddar með Sustainable Choice-aðferðinni úr vottaðri lífrænni bómull og á umhverfisvænan hátt, að því er segir í tilkynningu.
