Gera má ráð fyrir að afgangur af vöruskiptum verði meiri það sem af er ári í apríl en í fyrra, samkvæmt spá Greiningar Íslandsbanka. Hagstofan birtir tölur um vöruskipti við útlönd á föstudag.
Greining Íslandsbanka segir í Morgunkorni sínu í dag:
„Við fyrstu sýn virðist árið í ár fara nokkuð betur af stað hvað vöruskipti varðar en síðasta ár. [...] Þó ber að hafa í huga hér að innflutningur skipa og flugvéla var óvenju mikill í upphafi síðasta árs. Sé leiðrétt fyrir slíkum liðum nam afgangur af vöruskiptum á fyrstu fjórum mánuðum í fyrra 39,5 mö.kr. samanborið við 33,5 ma.kr. nú í ár. Ekki er því víst að vöruskipti við útlönd hafi skilað meira gjaldeyrisinnflæði það sem af er ári en á sama tíma í fyrra, þar sem viðskiptum með skip og flugvélar fylgir oft á tíðum lítið sem ekkert gjaldeyrisflæði vegna eðlis þeirra.
