Þrátt fyrir erfiðleika í efnahagslífinu var velta á fasteignamarkaði í vikunni rúmir 2,1 milljarðar og breytist lítið milli vikna samkvæmt upplýsingum frá Fasteignamati ríkisins (FMR).
Nánar tiltekið er veltan 2.136 milljónir en var í síðustu viku 2.154 milljónir þannig að veltan dregst saman um 1% milli vikna, en hafði í síðustu viku aðeins aukist um 1%.
Á myndinni hér til hliðar má sjá breytingu á fjögurra vikna meðalveltu á milli ára. Fasteignasala sveiflast gjarnan mikið á milli vikna og þess vegna er horft til meðalveltu fjögurra vikna og breytinga á henni milli ára.
Fjöldi þinglýstra kaupsamninga var 80 í vikunni sem leið en 81 samningum var þinglýst í vikunni þar áður.
Meðalupphæð á hvern samning er svipuð og í síðustu viku, 26,7 milljónir sem þó er undir meðalveltu. Meðalvelta á hvern samning frá áramótum eru 32,5 milljónir.
Meðalvelta á viku frá áramótum er tæplega 2,4 milljarðar en þá hefur 73 samningum verið þinglýst að meðaltali á viku frá áramótum.
Á ársgrundvelli hefur velta á fasteignamarkaði dregist saman um 67% og gefur það heildstæðari mynd af fasteignamarkaði. Kaupsamningum hefur fækkað milli ára og er vægi hvers kaupsamnings meira fyrir vikið. Auk þess getur hver samningur falið í sér fleiri en eina eign auk þess sem eignir eru mismunandi.
