Lítil viðskipti voru á hlutabréfamörkuðum Asíu og nágrennis í nótt. Gengi Bandaríkjadals veiktist þó nokkuð gagnvart japanska jeninu, sem veikti gengi Nikkei vísitölunnar.
Sterkt gengi jensins hefur neikvæð áhrif á japönsk útflutningsfyrirtæki, til að mynda lækkuðu hlutabréf í Honda Motor Co. Ltd um 2,08% og Mazda Motor Corp. lækkaði um 2,94%.
Á sama tíma olli lækkandi olíuverð því að hlutabréf í Ástralíu lækkuðu einnig, til að mynda í olíufyrirtækjum eins og Oil Search Ltd, sem lækkaði um 0,81% og Woodside Petroleaum sem lækkaði um 0,41%.
Viðskipti voru þó alla jafna lítil og í misvísandi áttir. Fjárfestar bíða átekta eftir nánari ákvörðunum bandaríska seðlabankans þegar stjórnendur hans hittast í Jackson Hole í vikunni.
Helstu vísitölur á svæðinu:
- Nikkei vísitalan í Japan lækkaði um 0,61%
- Kospi vísitalan í Suður Kóreu hækkaði um 0,38%
- Taiwan Weighted vísitalan hækkaði um 0,55%
- Hang Seng vísitalan í Hong Kong lækkaði um 0,12%
- Dow Jones Shanghai vísitalan hækkaði um 0,09%
- FTSE China A50 vísitalan hækkaði um 0,30%
- S&P/ASX 200 vísitalan hækkaði um 0,70%
- Dow Jones New Zealand vísitalan hækkaði um 0,08%