*

þriðjudagur, 21. september 2021
Innlent 25. júlí 2021 12:56

Litla kaffistofan opnar á ný

Yfir 60 ára saga Litlu kaffistofunnar heldur áfram með nýjum rekstraraðilum, sem stefna á opnun í næsta mánuði.

Ritstjórn
Litla kaffistofan við Suðurlandsveg á sér yfir hálfrar aldar sögu.
Hörður Kristjánsson

Litla kaffistofan verður opnuð aftur innan fárra vikna samkvæmt nýjum rekstraraðilum, en nafns þeirra hefur ekki verið getið. Mbl sagði frá þessu í gærkvöldi.

Áningarstaðurinn, veitingasalan og bensínstöðin hefur verið starfrækt við Suðurlandsveg frá árinu 1960, og er eflaust flestum landsmönnum kunnug. Olís – sem rekur bensínstöðina við stofuna – á og leigir út húsnæðið.

í síðasta mánuði tilkynntu leigjendur og rekstraraðilar síðustu fimm árin að kaffistofunni yrði lokað nú um mánaðarmótin vegna breytts rekstrarumhverfis, en þá rennur fimm ára samningur þeirra við Olís út.

Nú hafa hinsvegar fundist nýir rekstraraðilar, sem segjast vel kunnugir rekstri veitingahúss, en vildu í svari til mbl ekki segja til nafns.

Stikkorð: Olís Litla kaffistofan