Litlar hreyfingar voru á gangvirði hlutabréfa í Kauphöllinni í dag þrátt fyrir nokkra veltu. Úrvalsvísitalan hækkaði um 0,10% í samtals 2,4 milljarða króna viðskiptum dagsins.
VÍS var hástökkvari dagsins með 1,82% hækkun í rúmlega hálfs milljarðs króna veltu, en því næst komu Hagar með 1,50% hækkun í 251 milljóna veltu, og loks kom Skeljungur með 1,29% hækkun í 746 milljón króna viðskiptum.
Aðeins þrjú félög lækkuðu í dag, Reitir um 0,82% í litlum 15 milljóna viðskiptum, Marel um 0,57% í 320 milljóna viðskiptum og Eimskip um 0,47% í 13 milljónum.
Skeljungur og Hagar tróndu á toppi veltulistans, og Marel hreppti þar þriðja sætið, en Hagar fjórða. Utan þeirra náðu aðeins bréf Arion banka – sem hækkuðu um 0,22% í 174 milljón króna viðskiptum – 100 milljóna veltu.
