Hlutabréf lækkuðu í Asíu í dag og voru það helst bankar og fjármálafyrirtæki sem leiddu lækkanir dagsins að sögn Bloomberg fréttaveitunnar.

MSCI Kyrrahafsvísitalan lækkaði um 0,7% og hefur ekki verið lægri frá því í júlí 2006 að sögn Bloomberg.

Í Japan lækkaði Nikkei vísitalan um 0,8%, en í Hong Kong lækkaði Hang Seng vísitalan um 2,6% og í Kína lækkaði CSI 300 vísitalan um 3,5%.

Í Singapúr lækkaði Straits vísitalan um 1,3% og í Ástralíu lækkaði S&P 200 vísitalan um 1,1%.