Þýska flugfélagið Lufthansa er um þessar mundir að endurskoða farmiða kerfið sitt og mun núna byrja að rukka farþega fyrir farangur, sætaval og breytingar á flugi.
Frá og með október verða þrjár týpur af economy class miðum: light, classic of flex. Þeir sem fljúga með light farmiðanum munu einungis geta tekið með sér handfarangur sér að kostnaðarlausu. En samkvæmt tölum frá flugfélaginu flýgur þriðjungur farþega einungis með handfarangur. Nýja kerfið á einungis við um flug innan Evrópu, en félagið er að íhuga að nota það einnig í lengri flugum.
Lufthansa mun áfram bjóða ókeypis drykki og snarl um borð og munu engir farþegar þurfa að borga fyrir handfarangur. Hægt verður að bóka nýju farmiðana í næstu viku.
Lággjaldaflugfélög eins og Ryanair, easyJet og Aer Lingus hafa rukkað fyrir farangur síðastliðin ár og náð töluvert af markaði Lufthansa í Evrópuflugum fyrir vikið.
