Bandaríska samheitalyfjafyrirtækið Alvogen, sem stýrt er af Róberti Wessman, hefur keypt íslenska fyrirtækið Portfarma. Síðarnefnda fyrirtækið skráir, markaðssetur og dreifir lyfjum hér á landi. Halldór Kristmannsson, framkvæmdastjóri samskiptasviðs Alvogen, segir í samtali við Viðskiptablað Morgunblaðsins að í kjölfar kaupanna á Profarma verði lyf Alvogen til sölu á Íslandi.
„Þetta er fyrsta skrefið sem við stígum inn á íslenska markaðinn,“ segir hann í samtali við blaðið. Alvogen undirbýr nú skráningu og sölu fjölmargra samheitalyfja hér á landi. Lyfin hafa ekki áður verið seld á Íslandi.
