Ekkert kostnaðarmat hefur verið gert á áhrifum nýrrar byggingarreglugerðar sem samþykkt var í janúar síðastliðnum og tekur að fullu gildi um næstu áramót. Reglugerðin er afar viðamikil og felur í sér miklar breytingar á byggingarreglum, til að mynda um einangrun húsa og kröfur um salernisaðstöðu. Þá er óheimilt að byggja þriggja hæða íbúðahús án lyftu.
Björn Karlsson, forstjóri Mannvirkjastofnunar, segir að reglugerðin hafi verið unnin á grundvelli laga um mannvirki sem tóku gildi í byrjun síðasta árs. Þá var framkvæmd kostnaðarathugun. Hins vegar sé afar erfitt að meta kostnaðaráhrif þeirra breytinga sem hafa verið gerðar enda um að ræða flókið sam spil fjölmargra þátta. Byggingar kostnaður ráðist af mörgu öðru en reglugerðinni, sem feli einungis í sér lágmarksákvæði. „Vissulega kunna nýjar kröfur í einhverjum til vikum að fela í sér aukinn kostnað en í sumum tilvikum má vega upp á móti slíkum kostnaði með breyttri hönnun, hagkvæmari byggingarað ferðum eða breyttu skipulagi án þess að það komi niður á gæðum,“ segir Björn.
Nánar er fjallað um málið í nýjasta tölublaði Viðskiptablaðsins. Áskrifendur geta nálgast blaðið hér að ofan undir liðnum Tölublöð.
