Magnús Ægir Magnússon, annar sparisjóðsstjóri Byrs lætur af störfum fyrir félagið nú um helgina.
Þetta staðfesti Magnús í samtali við Viðskiptablaðið í kvöld.
Magnús sagði starfslok sín gerð í sátt við stjórn Byrs en vildi ekki gefa upp um ástæðu eða aðdraganda þeirra.
Að sögn Magnúsar mun hann þó áfram sitja sem stjórnarmaður í félögum tengdum Byr.
Þannig mun Magnús áfram gegna stjórnarformennsku í Tryggingasjóði sparisjóða og Allianz á Íslandi auk þess að sitja í stjórn SP fjármögnunar.