Í dag er síðasti vinnudagur Magnúsar Oddssonar sem ferðamálastjóra. Magnús var fyrst skipaður ferðamálastjóri 1. janúar 1994, en hafði áður verið settur í embættið í 15 mánuði. Hann hefur því gegnt störfum ferðamálastjóra í 15 ár og 3 mánuði. Þetta kemur fram á vef Ferðamálastofu.
Magnús var ráðinn markaðsstjóri 1990 og sat í ferðamálaráði árin 1983-1990 sem einn af fulltrúum greinarinnar en hann hafði unnið á 16 ár við ferðaþjónustu í einkageiranum áður en hann kom til starfa í opinbera þætti hennar. Fyrst hjá ferðaskrifstofu og síðan 10 ár við markaðmál flugreksturs. Í embætti hefur hann setið í fjölda stjórna, ráða og nefnda um málefni ferðaþjónustunnar innan lands og utan.
Ekki hefur verið skipaður nýr ferðamálastjóri.
