Magnús Þór Ásmundsson, nýr framkvæmdastjóri framleiðsluþróunar, er rafmagnsverkfræðingur frá Háskóla Íslands og M.Sc. frá Danmarks Tekniske Universitet. Hann kemur til Fjarðaáls með mikla þekkingu og reynslu á sviði framleiðslu og framleiðsluþróunar. Magnús starfaði hjá Marel á árunum 1990 – 2009, fyrst sem sviðsstjóri í vöruþróun og síðar sem framkvæmdastjóri framleiðslu.
Þrír nýir framkvæmdastjórar hafa tekið sæti í framkvæmdastjórn Alcoa Fjarðaáls. Magnús Þór Ásmundsson er nýr framkvæmdastjóri framleiðsluþróunar, Guðný Björg Hauksdóttir framkvæmdastjóri öryggis- og heilsu og Jóhann F. Helgason framkvæmdastjóri áreiðanleika. Af tólf framkvæmdastjórum fyrirtækisins eru nú fjórar konur, en voru áður þrjár.