Norskir fjölmiðlar greindu frá því í gær að Anne-Elisabeth, eiginkonu Tom Hagen, eins ríkasta manns Noregs, hafi verið rænt fyrir tíu vikum. Mannræningjarnir hafa farið fram á 9 milljóna evra lausnargjald en það samsvarar 1,2 milljörðum íslenskra króna.
Vilja þeir fá lausnargjaldið greitt í rafrænni mynt. Tom Hagen hefur verið stórtækur í fasteignaviðskiptum en einnig á hann 70% eignarhlut í norska orkufyrirtækinu Elkraft.
Tom Hagen er í 172 sæti yfir ríkustu menn í Noregi samkvæmt blaðinu Kapital en auðævi hans eru metin á yfir 20 milljarða króna.
Frétt NDTV um málið.