Spennusagan Englasmiðurinn eftir sænska spennusagnahöfundinn Camillu Läckberg er í toppsætinu á lista bókaverslunar Eymundson yfir mest seldu bækurnar dagana 4. til 10. apríl. Athygli vekur að Ábyrgðakver Gunnlaugs Jónssonar sem kom út á dögunum vermir annað 2. sætið. Bókin fjallar í grófum dráttum um hugsjónin um persónulega og einstaklingsbundna ábyrgð og aðferðina við að ná árangri í því sem menn stefna að í lífinu og öðlast þá andans ró sem er forsenda lífshamingju hvers og eins.
Þetta er ein af tveimur innbundnum bókum á metsölulsta Eymundsson. Hin eru Hungurleikarnir, sem kvikmynd byggð á bókinni er nú sýnd í kvikmyndahúsum hér. Athygli vekur reyndar að bæði innbundna útgáfa bókarinnar og kiljan eru á metsölulistanum.
Hér má sjá lista yfir tíu mest seldu bækurnar:
- Englasmiðurinn
- Ábyrgðakver
- Snjókarlinn
- Hungurleikarnir (kilja)
- Konan sem hann elskaði áður
- Morðið á Bessastöðum
- Feluleikurinn
- Svartur á leik
- Laðaðu til þín það góða
- Hungurleikarnir (innbundin)
