Már Guðmundsson seðlabankastjóri segir að margt bendi til að fjármagnshöftin, sem reyndust vel til að stuðla að stöðugleikanum, séu í vaxandi mæli hamlandi á fjárfestingu og viðskiptatækifæri og gætu því í vaxandi mæli farið að virka sem dragbítur á hagvöxt.

Þetta sagði Már í erindi sem hann flutti á málstofu í viðskiptafræðideild í Háskólanum á Akureyri í dag. Erindið heitir „Lærdómar af fjármálakreppunni fyrir hagstjórn, fjármálastöðugkeika og stofnanauppbyggingu.“

„Þær krossgötur sem við stöndum á nú felast í því að nú þarf að breytastöðugleika í fjárfestingu, hagvöxt og atvinnu. Að vísu er flest sembendir til þess að hagvöxtur hafi hafist á seinni hluta síðasta árs. Hannvar hins vegar ekkert sérlega kröftugur og fjárfesting er áfram ísögulegu lágmarki. Þá er atvinnuleysi enn miklu hærra en Íslendingarhafa átt að venjast og felur í sér verulega ónýtta framleiðslugetu íhagkerfinu. Í því samhengi er margt sem bendir til þess að þaufjármagnshöft sem reyndust vel til að stuðla að stöðugleikanum séu ívaxandi mæli hamlandi á fjárfestingu og viðskiptatækifæri og gætu þvíí vaxandi mæli farið að virka sem dragbítur á hagvöxt. Í öllu falli eruÍslendingar samningsbundnir gagnvart aðildarlöndum EES að afnemahöftin þegar neyðin sem kallaði á þau er yfirstaðin,“ sagði Már.

Aðstæður hafa batnað til að lyfta höftunum

Már sagði að það sé því heppilegt að aðstæður til að lyfta höftunum hafi batnað á undanförnum mánuðum. Þjóðhagslegur stöðugleiki hafi aukist, afkoma ríkissjóðs batnað og lánsfjáreftirspurn ríkissjóðs fari minnkandi. „Verði haldið áfram á þeirri braut þarf ekki að óttast ósjálfbæra skuldasöfnun hans. Þá hefur gjaldeyrisforði stóraukist og áhyggjur vegna erlendrar lausafjárstöðu þjóðarbúsins hafa minnkað verulega.Það sem helst vantar upp á er að staða bankakerfisins teljist nægilegatraust til að það geti fjármagnað sig utan gjaldeyrishafta. Vonir eru bundnar við að hægt verði að gefa út slíkt heilbrigðisvottorð á næstu mánuðum.

Það skal ítrekað í þessu sambandi að samkvæmt yfirlýsingum sem komu fram í nóvember, svo og því efni sem gert er opinbert í framhaldi af fjórðu endurskoðun áætlunarinnar með AGS að nú er unnið að nýrri áætlun um afnám gjaldeyrishafta og er áformað að opinbera hana fyrir lok febrúar. Jafnframt hefur því verið lýst yfir að ekkert verður gert varðandi afnám hafta fyrr en þessi áætlun hefur verið birt, nema þá hugsanlega að skipulagt verði skiptiútboð milli aflandskróna í eigu erlendra aðila og erlends gjaldeyris í eigu innlendr aaðila og að aflandskrónum geti verið hleypt í fjárfestingu í atvinnulífinu með tilteknum skilyrðum.“

Erindi Más má lesa hér .