Úrvalsvísitalan hækkaði um 0,01% í viðskiptum dagsins í dag. Gengi bréfa Marels hækkaði um 0,74% og voru það einu bréfin sem hækkuðu í verði í dag. Gengi bréfa Eimskips lækkaði um 1,34%, bréf VÍS lækkuðu um 0,60% og bréf TM lækkuðu um 0,38%.
Velta á hlutabréfamarkaði nam 740,6 milljónum króna. Mest viðskipti voru með bréf Regins, en velta með þau nam 435,2 milljónum króna. Gengi bréfa Regins lækkaði um 0,24% í dag.
Skuldabréfavísitala GAMMA hækkaði um 0,75% í viðskiptum dagsins. Verðtryggði hluti vísitölunnar hækkaði um 1,12% en sá óverðtryggði lækkaði um 0,21%.
Velta á skuldabréfamarkaði nam 15,8 milljörðum króna og var velta með verðtryggð bréf þar af um 9,5 milljarðar króna.