Heildarvelta Kauphallarinnar nam 2,5 milljörðum króna er OMXI10 vísitalan hækkaði um 0,97%. Bréf Icelandair lækkuðu mest í Kauphöllinni í dag en þau enduðu í 1,54 krónum á hlut, um 14,4% lækkun frá lokun markaða í gær, eftir 63 milljóna krónu viðskipti.
Sjá einnig: Ósennilegt að semjist við flugfreyjur
Fasteignafélagið Eik lækkaði næst mest eða um 4,27% í 121 milljóna krónu viðskiptum. Sýn lækkað 4,21% í 33 milljóna krónu viðskiptum og stendur nú í 25 krónum á hlut.
Marel heldur áfram að hækka og stendur nú í 690 krónum á hlut eftir 3,14% hækkun en 361 milljóna krónu velta var á bréfum félagsins í dag.
Mestu viðskiptin voru með bréf Arion banka sem lækkuðu um 2,39% í 428,7 milljónum króna viðskiptum. Þriðju mestu viðskiptin voru með bréf Festis sem lækkuðu um 0,79% í 284 milljóna krónu viðskiptum.
