Úrvalsvísitalan OMXI6 lækkaði um 0,71% í viðskiptum í kauphöllinni í dag í 136 milljóna króna viðskiptum. Fjöldi viðskipta var 20. Mest voru viðskiptin með hlutabréf í Marel sem lækkuðu um 3,2% í rúmlega 100 milljóna króna viðskiptum. Lokagengi bréfa var 121 króna.
Viðskipti með hlutabréf í Icelandair Group námu 35 milljónum króna og hækkaði gengi þeirra um 0,23%. Engin viðskipti voru með hlutabréf annarra félaga í Kauphöll Íslands í dag.
Á skuldabréfamarkaði hækkaði Skuldabréfavísitalan GAMMA: GBI um 0,3% í dag í 6 milljarða króna viðskiptum.GAMMAi: Verðtryggt hækkaði um 0,4% í 3,6 milljarða króna viðskiptum og GAMMAxi: Óverðtryggt lækkaði lítillega í 1,5 milljarða viðskiptum.
