Yfir 10% stuðningsmanna Sjálfstæðisflokksins í alþingiskosningunum 2007 segjast ætla að skila auðu í kosningunum nú og yfir 7% eru enn óákveðin.
Þetta kemur fram í nýrri skoðanakönnun Capacent Gallup sem framkvæmd var fyrir RÚV og Morgunblaðið dagana 18. til 20. apríl og birt í dag.
Í könnuninni kemur fram að 8,4% þeirra sem spurðir voru segjast ætla að skila auðu.
Mun lægra hlutfall fyrri kjósenda Framsóknarflokksins (5,9%) og Samfylkingarinnar (2,5%) segjast ætla að skila auðu og aðeins 0,8% kjósenda Vinstri Grænna.