Björn Bjarnason dóms- og kirkjumálaráðherra hefur skipað Margréti Frímannsdóttur í embætti forstöðumanns Fangelsisins Litla-Hrauni frá og með 1. febrúar nk.
Þetta kemur fram í tilkynningu frá dóms- og kirkjumálaráðuneytinu en Margrét hefur gegnt embætti forstöðumanns fangelsisins undanfarið ár í forföllum fyrrverandi forstöðumanns.
Níu umsóknir bárust um embættið en umsóknarfrestur rann út 15. janúar síðastliðinn.
Auk Margrétar sóttu eftirtaldir um embættið:
- Drífa Kristjánsdóttir, fyrrverandi forstöðumaður
- Einar Einarsson, verkefnastjóri
- Guðrún Þórðardóttir, kennari
- Halldór Eiríkur S. Jónhildarson, lögfræðingur
- Halldór Valur Pálsson, deildarsérfræðingur
- Jón Ragnar Jónsson, verkefnastjóri
- Ronald B. Guðnason, verkefnisstjóri
- Sigríður Ingifríð Michelsen, leigumiðlari