Margrét Kristmannsdóttir, formaður Samtaka verslunar og þjónustu fagnar orðum Bjarna Benediktssonar fjármálaráðherra sem segir það vera óásættanlegt fyrir íslenska verslun að sitja uppi með tvítollun og háan virðisaukaskatt ofan á þá tolla. Þetta kemur kemur fram í grein Margrétar í Fréttablaðinu í dag.
Bjarni hefur sagt að verið sé að endurskoða virðisaukaskattskerfið. Margrét segir að þrátt fyrir miklar annir hljóti allir verslunareigendur á Íslandi að hafa hoppað hæð sína af gleði við þessa frétt. Þetta sé eitt helsta baráttumál verslunar og ein mesta kjarabótin fyrir íslenska heimili, segir Margrét að lokum.
