*

miðvikudagur, 19. janúar 2022
Fólk 7. janúar 2022 11:05

Maríanna til liðs við Landsnet

Maríanna Magnúsdóttir er nýr leiðtogi breytinga hjá Landsneti, en hún hefur starfað sem breytingaafl bæði hjá VÍS og Reykjavíkurborg.

Ritstjórn
Maríanna Magnúsdóttir er nýr leiðtogi breytinga hjá Landsneti.
Aðsend mynd

Maríanna Magnúsdóttir hefur verið ráðin sem leiðtogi breytinga hjá Landsneti, en þetta er nýtt starf hjá fyrirtækinu. Þetta kemur fram í tilkynningu frá Landsneti.

Í tilkynningu segir að Maríanna sé með fjölbreytta reynslu á sviði umbreytinga og reynslu af því að setja fókus á að þróa fólk, byggja upp skilvirk og hamingjusöm teymi með því að skapa vinnuumhverfi og menningu þar sem mannauður blómstrar.

Maríanna er rekstrarverkfræðingur með M.Sc. gráðu frá HR, hefur áratuga ára reynslu í Lean aðferðafræðinni og innleiðingu á stefnu fyrirtækja, tekið PMD stjórnendanám og lokið grunn- og framhaldsnámi í markþjálfun. Síðastliðin 11 ár hefur hún starfað sem breytingaafl m.a. sem forstöðumaður umbótastofu hjá VÍS, umbreytingaþjálfari hjá Manino, stjórnarkona FKA Framtíðar og breytingaleiðtogi hjá Reykjavíkurborg.

„Það eru forréttindi að tilheyra mögnuðum mannauði Landsnets og ég hlakka til að leggja mitt af mörkum í að gera gott fyrirtæki enn betra. Landsnet er að stíga öflugt framþróunarskref sem ég trúi að muni skila árangri ásamt því að vekja mikla athygli. Fleiri vinnustaðir munu vilja taka sambærileg skref." 

 Guðmundur Ingi Ásmundsson, forstjóri Landsnets:

„Við hjá Landsneti störfum í umhverfi sem er sífellt að breytast og stöndum nú frammi fyrir nýjum og spennandi áskorunum. Breytingarnar eru hraðar og við viljum fylgja þeim eftir með  því að þróa lausna- og árangursmiðaða menningu hjá okkur. Leiðtogi breytinga er nýtt starf hjá fyrirtækinu og mun gera okkur kleift að mæta áskorunum framtíðarinnar. Maríanna hefur reynslu af nýstárlegum stjórnunaraðferðum sem efla leiðtogahæfni. Það verður spennandi að fara þessa vegferð með henni.“