Android stýrikerfið er nú með 85% markaðshlutdeild þegar kemur að snjallsímum, samkvæmt könnun sem Strategy Analytics gerðu.
Greint er frá því í frétt á vef mbl.is að sala á snjallsímum hafi aukist um 27% milli ára og var 295 milljónir á öðrum ársfjórðungi. Sala á iPhone var um 35 milljónir og var hlutfall þeirra í heildarsölu um 11,8% sem er 1,6% lækkun milli ára.
Forstjóri Strategy Analytics segir enga raunhæfa samkeppni á næsta leyti í ljósi þessara nýju talna auk þess sem Microsoft sé aðeins með um 2,7% af markaðinum.