Hlutabréfamarkaður virðist ekki taka vel í viðræðuslit Icelandair og Wow air, en í viðskiptum dagsins í Kauphöllinni hefur gengi 14 félaga af þeim 18 sem skráð eru í Kauphöllina lækkað.
Gengi hlutabréfa Icelandair hefur þegar þetta er skrifað lækkað um 4,4%. Þá hefur gengi Arion banka lækkað um 3,84% en bankinn er viðskiptabanki Wow air og einn af lánveitendum félagsins . Önnur félög hafa lækkað minna en úrvalsvísitalan OMXI8 hefur lækkað um 1,68% í viðskiptum dagsins er þetta er skrifað.
