Markaðsvirði viðskiptabankanna þriggja endaði yfir 1.000 milljörðum króna nú í lok síðasta viðskiptadags ársins í Kauphöllinni. Er nú samanlagt markaðsvirði þeirra 1.001,7 milljarðar. Lokagengi KB banka var 746 og hækkaði það um 0,81% í dag í viðskiptum upp á 1.588 milljónir króna.
Sem fyrr er KB banki verðmætasta félagið í Kauphöllinni en markaðsvirði þess er 495,7 milljarðar. Markaðsvirði Íslandsbanka er 227,2 milljarðar og markaðsvirði Landsbankans er 278,8 milljarðar kr.