*

sunnudagur, 21. júlí 2019
Innlent 21. mars 2019 10:57

Max vélarnar ekki sjálfkrafa samþykktar

Flugmálayfirvöld í ESB munu gera sjálfstæða rannsókn á uppfærslu á Boeing 737 Max vélunum.

Ritstjórn
Ein af kyrrsettu Boeing Max 737 vélunum.
epa

Forstöðumaður Flugöryggisstofnunar Evrópusambandsins, EASA, boðaði með samgöngunefnd Evrópusambandsins að ekki verði lengur fylgt þeirri stefnu að vélar Boeing sem fái flugrekstrarleyfi í Bandaríkjunum fái sjálfkrafa samþykki í Evrópu. 

Hingað til hafi það verið reglan að sögn Túrista, en nú muni a.m.k. aflétting á loftferðabanni Boeing 737 Max vélanna ekki verða fyrr en evrópska stofnunin hafi sjálf gengið úr skugga um að uppfærslur hugbúnaðar vélanna séu viðunandi.

Sömuleiðis hyggjast kanadísk flugmálayfirvöld ætla að vinna sjálfstætt að sinni leyfisveitingu fyrir Max þoturnar.

Stikkorð: Boeing Boeing 737 Max EASA