Prófanir á Boeing 737 MAX farþegaþotunum halda áfram í vikunni eftir að þriggja daga athugun gekk vel í síðustu viku. Vélarnar hafa verið kyrrsettar síðan 13. mars í fyrra í kjölfarið á tveimur flugslysum.

Skoða á viðbragða getu (e. operational readiness review) í hugbúnaði vélanna en þetta er einungis eitt af mörgum prófunum sem vélarnar þurfa að fara í gegnum. The Wall Street Journal greinir frá.

Meðal markmiða með athugunum er að komast að því hve vel meðal flugmaður, á alþjóðavísu tekst að bregðast við neyðarástandi notandi endurbætta hugbúnaðinn.

Ef allt fer eins og skyldi á komandi vikum mun flugmálastjórn (e. Federal Aviation Administartion), sem lét kyrrsetja vélarnar á sínum tíma, líklegast hleypa þeim í loftið í september næstkomandi. Hins vegar þyrfti meira til svo að vélunum væri leyft að ferja farþega á ný en slíkt gæti gerst í lok árs. Hafa ber í huga að áætlun um endurkomu MAX-vélanna hefur hingað til ávallt frestast.