McDonald‘s hefur engin áform um að opna veitingastað á Íslandi á nýjan leik þrátt fyrir uppgang í efnahagslífinu og fjölgun ferðamanna.Þetta kemur fram í skriflegu svari við fyrirspurn Viðskiptablaðsins.
„Hjá McDonald‘s tökum við ýmsa þætti til greina þegar við íhugum að opna á nýju markaðssvæði eða í nýju landi. Í augnablikinu höfum við engin áform um að opna veitingastaði á Íslandi,“ sagði talsmaður McDonald‘s.
Sem frægt er hætti þessi vinsæla hamborgarakeðja starfsemi hér á landi síðla árs 2009.
