Listaverk hækkuðu um 11% í verði á síðasta ári, ef marka má Mei Moses All Art vísitöluna. Vísitalan byggir aðallega á seldum málverkum í New York og London. Hækkunin milli ára er meiri en hækkun S&P 500 hlutabréfavísitölunnar, sem hækkaði um 9% á síðasta ári. Þetta er annað árið í röð þar sem listin skilar meiru en hlutabréfin.
Á síðustu tíu árum hefur Mei Moses vísitalan skilað hærri ávöxtun en S&P 500 í sex skipti. Í frétt Financial Times um málið segir að hækkun á listaverkum hafi einkum verið drifin áfram af eftirspurn í Kina og háum verðum fyrir verk vinsælla listamanna, líkt og Andy Warhol.
