Á kynningarfundi vegna ákvörðunar peningastefnunefndar í morgun ræddi Ásgeir meðal annars um verðbólguvæntingar. Þetta kemur fram á vef mbl.is .
Þar segir Ásgeir að verðbólguvæntingar séu bjartari nú en í síðasta mánuði en það skýrist meðal annars af minni kostnaðarþrýstingi innanlands. Einnig hafi þróun verðbólguvæntinga gefið til kynna að meiri trú væri á peningastefnunni en áður en Seðlabankinn hefur marg ítrekað síðustu misseri að þau muni gera allt í sínu valdi til þess að halda verðbólgu við skekkjumörk.
„Þróun verðbólguvæntinga er mjög jákvæð. Á síðasta vetri sáum við gengið lækka um 10-20% og sáum líka hækkanir á launum sem leiddi til einhverrar hækkunar á verðbólgu sem er nú að ganga niður. En verðbólguvæntingar hækkuðu fyrst og eru svo að ganga niður. Það finnst okkur benda til þess að peningastefnan hafi aðeins meiri trúverðugleika heldur en hún hafi haft áður og við getum að einhverju leiti farið að verða eins og venjuleg þjóð.“