*

fimmtudagur, 18. júlí 2019
Innlent 26. maí 2018 23:39

Meirihlutinn í Reykjavík fallinn

Sjálfstæðisflokkurinn er stærstur samkvæmt fyrstu tölum í Reykjavík, með 8 menn en Samfylkingin fær 7 borgarfulltrúa.

Ritstjórn
Eyþór Arnalds er oddviti og borgarstjórnarefni Sjálfstæðisflokksins.
Haraldur Guðjónsson

Sjálfstæðisflokkurinn er stærstur með ríflega 29% en Samfylkingin er með fjórðung atkvæða samkvæmt fyrstu tölum í Reykjavík. Viðreisn og Vinstri græn eru með 2 borgarfulltrúa hvor og Sósíalistar og Flokkur fólksins fá einn mann ásamt Miðflokknum hver.

Eins og Viðskiptablaðið hefur fjallað um, miðað við síðustu skoðananakannanir þá eru engir af þeim sem voru í baráttusætum Samfylkingar inni miðað við þessar tölur en Árbæingurinn og stjórnarmaðurinn í Fylki, Björn Gíslason í 8. sæti Sjálfstæðisflokksins er inni í borgarstjórn.

Elín Oddný Sigurðardóttir í 2. sæti Vinstri grænna er inni samkvæmt þessu, sem og Pawel Bartoszek varaþingmaður fyrir Viðreisn. Sanna Magdalena Mörtudóttir og Kolbrún Bergþórsdóttir eru inni fyrir Sósíalista og Flokk fólksins.

Skipting atkvæða miðað við að talin hafa verið 9.235 atkvæði eru þannig:

  • 29,2% og 8 borgarfulltrúar - Sjálfstæðisflokkur
  • 25,4% og 7 borgarfulltrúar - Samfylkingin
  • 7,7% og 2 borgarfulltrúar - Vinstri græn
  • 7,6% og 2 borgarfulltrúar - Viðreisn
  • 6,8% og 1 borgarfulltrúi - Píratar
  • 6,0% og 1 borgarfulltrúi - Sósíalistar
  • 5,8% og 1 borgarfulltrúi - Miðflokkurinn
  • 4,3% og 1 borgarfulltrúi - Flokkur fólksins
  • 3,0% og enginn borgarfulltrúi - Framsóknarflokkurinn
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is