Verðmæti vörumerkisins Mercedes Benz eykst um 6% en verðmæti Toyota minnkar um 14% milli ára samkvæmt könnun Business Week og Interbrand. Toyota er nú í 11. sæti listans, en var í 8. sæti í fyrra. Mercedes Benz stendur í stað í 12. sæti.
Síðustu tíu árin hafa Mercedes Benz og Toyota verið verðmætustu vörumerki heims í flokki bilaframleiðanda. Árið 2001 var Ford þó ofar á lista, í 8. sæti, en féll strax árið eftir niður fyrir Mercedes. Ford er nú í 50. sæti.
Margir bílaframleiðendur eru á listanum, þar á meðal allir þeir þýsku. Hins vegar vekur athygli að aðeins einn bandarískur framleiðandi er á listanum.
Listi yfir verðmætasta vörumerki heims í flokki bílaframleiðanda
- Toyota - 11. sæti - verðmæti 26 millj. dala
- Mercedes Benz - 12. sæti - verðmæti 25,1 millj. dala
- BMW - 15. sæti - verðmæti 22,3 millj. dala
- Honda - 20. sæti - verðmæti 18,5 millj. dala
- Ford - 50. sæti - verðmæti 7,2 millj. dala
- Volkswagen - 53. sæti - verðmæti 6,9 millj. dala
- Audi - 63. sæti - verðmæti 5,4 millj. dala
- Hyundai - 65. sæti - verðmæti 5 millj. dala
- Porsche - 72. sæti - verðmæti 4,4 millj. dala
- Ferrari - 91. sæti - verðmæti 3,5 millj. dala