Úrvalsvísitala kauphallar Nasdaq Iceland lækkaði um 0,25% í viðskiptum dagsins, en þau námu 1,3 milljörðum króna. Í lok dags stóð hún því í 1.737,22 stigum.
Aðalvísitala skuldabréfa lækkaði einnig, eða um 0,16% í 2,4 milljarða viðskiptum, en hún stendur því nú í 1.248,54 stigum.
HB Grandi og Marel hækkuðu mest
Mest hækkun var á gengi bréfa HB Granda, sem hækkuðu um 1,15% í viðskiptum dagsins, en þau námu tæpum 36 milljónum króna með bréf félagsins. Fæst nú hvert bréf þess á 26,35 krónur.
Næst mest hækkun var á gengi bréfa Marel, eða um 0,60% í 157 milljón króna viðskiptum.
Eimskip og Icelandair lækkuðu mest
Mest verðlækkun var á bréfum Eimskipafélags Íslands hf. eða 1,85% í 253 milljón króna viðskiptum. Er hvert bréf þess nú verðlagt á 319,00 krónur.
Næst mest lækkun var á gengi bréfa Icelandair eða 1,17% í 333 milljón króna viðskiptum sem gefur að núverandi verð bréfa Icelandair er 23,25 krónur.
Vísitölur Gamma
Hlutabréfavísitala Gamma lækkaði um 0,2% í dag í 1,1 milljarða viðskiptum. Skuldabréfavísitala Gamma lækkaði um 0,2% í dag í 2,3 milljarða viðskiptum.
Verðtryggði hluti vísitölunnar lækkaði um 0,1% í 0,1 milljarða viðskiptum og óverðtryggði hluti vísitölunnar lækkaði um 0,3% í 2,1 milljarða viðskiptum.
